Yn atebol i: Gydlynydd y Gwasanaeth Gwirfoddolwyr / Warden Ardal Cynorthwyol Parc Cenedlaethol Bannau Brycheiniog
Lleoliad: Maes Parcio Gwaun Hepste, Maes Parcio Clun Gwyn, Maes Parcio Craig y Ddinas
Swyddfa: Pencadlys Awdurdod y Parc Cenedlaethol yn Aberhonddu a Chanolfan Ymwelwyr Bro’r Sgydau
Oriau: O leiaf 10 diwrnod y flwyddyn rhwng 9:30am a 4pm ar benwythnosau a gŵyl y banc gydag ambell ddiwrnod yn ystod yr wythnos ar adegau prysur yn yr haf.
Dyddiad Cau: 1af Mai 2012
PWRPAS Y RÔL
Cynnig wyneb cyfeillgar ar ran Gwirfoddolwyr Awdurdod Parc Cenedlaethol Bannau Brycheiniog yn ein safleoedd ymwelwyr ym Mro’r Sgydau, yn ogystal â darparu addysg, cyngor a thawelwch meddwl i’r cyhoedd.
ELFENNAU ALLWEDDOL
- Ymgysylltu â’r cyhoedd a darparu gwybodaeth a chyngor am y canlynol:
a) Dewis llwybr
b) Cyfarpar addas ar gyfer y tir dan draed (esgidiau ac ati)
c) Amwynderau lleol
d) Ystyriaethau diogelwch ym Mro’r Sgydau
- Bod yn gyfrifol am osod a chlirio gazebo, baneri a byrddau arddangos y Parc Cenedlaethol ym meysydd parcio Gwaun Hepste, Clun Gwyn neu Graig y Ddinas (yn ôl y rota) gan dreulio’r diwrnod yno’n darparu gwybodaeth a gwerthu/dosbarthu taflenni a mapiau i ymwelwyr.
- Ymrwymo i weithio o leiaf deg diwrnod y flwyddyn ar benwythnosau, gwyliau banc ac weithiau yn ystod yr wythnos ar adegau prysur yn yr haf.
- Casglu a dychwelyd yr arian mân a chofnod o’r nwyddau a werthwyd i faes parcio Cwm Porth.
- Galw’r gwasanaethau argyfwng a rhoi gwybod i’r warden ar ddyletswydd am unrhyw ddamweiniau difrifol. Cadw cofnod o unrhyw ddigwyddiadau/damweiniau bach a mawr ac adrodd yn ôl i’r warden ar ddyletswydd ar ddiwedd y dydd.
- Cadw llygad yn achlysurol ar y meysydd parcio a chodi sbwriel yn y meysydd parcio ac ar y llwybrau poblogaidd ym Mro’r Sgydau. Adrodd yn ôl am unrhyw faterion i’r Warden Ardal Cynorthwyol.
- Hyrwyddo’r gwaith a wneir gan y Parc Cenedlaethol a Chomisiwn Coedwigaeth Cymru.
- Hyrwyddo’r gwasanaethau a gynigir gan y Parc Cenedlaethol.
- Hyrwyddo’r cyngor/gwasanaethau a gynigir gan sefydliadau eraill (Comisiwn Coedwigaeth, Achub Mynydd, Grŵp Darparwyr Gweithgareddau Awyr Agored De Cymru)
- Cynorthwyo gyda rheoli’r meysydd parcio cyhoeddus ym Mro’r Sgydau, yn ôl y gofyn.
- Cynorthwyo gyda hyfforddi neu fentora gwirfoddolwyr eraill.
- Hyrwyddo gwaith Wardeniad Gwirfoddol Bro’r Sgydau drwy siarad â’r cyhoedd a darparu gwybodaeth.
- Cymryd rhan mewn sesiynau hyfforddi a chyfarfodydd gyda gwirfoddolwyr eraill a’r Warden Ardal Cynorthwyol.
14. Glynu wrth Bolisi Iechyd a Diogelwch Wardeniaid Gwirfoddol Bro’r Sgydau bob amser.
GWYBODAETH, SGILIAU A PHROFIAD GOFYNNOL
Gwybodaeth:
Hanfodol: Diddordeb mewn darparu gwybodaeth a chyngor i’r cyhoedd.
Dymunol: Gwybodaeth flaenorol am yr ardal.
Yn deall ac yn cefnogi pwrpas Parc Cenedlaethol Bannau Brycheiniog.
Sgiliau:
Hanfodol: Trwydded yrru lawn.
Sgiliau cyfathrebu llafar da ac yn mwynhau cwrdd a siarad â phobl. Hyder i weithio ar ei liwt ei hun ac mewn parau allan yng nghefn gwlad.
Dymunol: Sgiliau darllen map a chwmpawd (hyfforddiant ar gael)
Sgiliau TG sylfaenol – defnyddio’r we ac e-bost
Lefel dda o ffitrwydd corfforol
Sgiliau cymorth cyntaf sylfaenol
Profiad:
Hanfodol: Gweithio gyda’r cyhoedd
Dymunol: Gweithio allan yn yr awyr agored
Nodweddion Personol:
Hanfodol: Sgiliau rhyngbersonol da
Agwedd synhwyrol at eich iechyd a diogelwch chi ac eraill
Dibynadwy
Hyfforddiant Pellach (darperir hyn)
Hanfodol: Mynychu diwrnod hyfforddi.
Sgiliau darllen map a chwmpawd sylfaenol.
Delio â’r cyhoedd.
Dymunol: Cymorth Cyntaf.
Gwybodaeth sylfaenol am y gyfraith hawliau tramwy cyhoeddus.
Hyfforddiant gwasanaeth i gwsmeriaid sylfaenol.
ARALL
Dylai pob gwirfoddolwr dros 18 oed anelu at gynnig o leiaf 10 diwrnod y flwyddyn i’r cynllun Wardeniaid Gwirfoddol Bro’r Sgydau.
- Yn y lle cyntaf, bydd pob gwirfoddolwr yn cael gwahoddiad i fynychu cyfarfod cychwynnol i drafod y rôl. Yr ail gam i’r ymgeiswyr llwyddiannus fydd mynychu hyfforddiant grŵp a sesiwn gynefino. Ar ôl cwblhau’r rhain i gyd yn llwyddiannus, cynigir y rôl i’r gwirfoddolwr.
- Bydd Wardeniaid Gwirfoddol Bro’r Sgydau yn gweithio mewn parau naill ai gyda gwirfoddolwr arall neu aelod arall o staff wrth hyfforddi.
- Bydd pob gwirfoddolwr yn gwneud cyfnod cychwynnol o wirfoddoli sy’n para 5 sesiwn. Wedyn byddant yn cael cyfarfod â’r Warden Ardal Cynorthwyol i adolygu sut aeth y rôl wirfoddoli.
5. Bydd pob gwirfoddolwr yn cael siwmper fleece, crys-t a festiau llachar wedi’u brandio, ond bydd angen iddynt ddod â dillad dal dŵr eu hunain.
6. Gofynnir i’r gwirfoddolwyr am ganiatâd i rannu eu gwybodaeth gyswllt, ond dim ond at ddibenion cydlynu gwirfoddolwyr.
SUT I WNEUD CAIS
drwy e-bost communities@beacons-npa.gov.uk
neu
drwy’r post: d/o Cymunau Cynaliadwy, Awdurdod Parc Cenedlaethol Bannau Brycheiniog, Plas y Ffynnon, Ffordd Cambrian, Aberhonddu, LD3 7HP
I gael rhagor o wybodaeth neu am sgwrs anffurfiol ynghylch y rôl hon, mae croeso i chi gysylltu â’r Adran Cymunedau Cynaliadwy:
Ffôn: (01874)624437